Монгол Улсын Гадаад харилцааны сайд Д.Цогтбаатарын урилгаар Бүгд Найрамдах Энэтхэг Улсын Гадаад хэргийн сайд Сушма Свараж Монгол Улсад өчигдөр хүрэлцэн ирсэн билээ. Тэрбээр албан ёсны айчлалынхаа эхэнд Монголын бурхан шашны төв Гандантэгчэнлин хийдэд морилон, Тэргүүн хамба лам гавж Д.Чойжамцад бараалхлаа.
Энэтхэг Улсын төрийн тэргүүнүүд 2000 гаруй жилийн түүхтэй Бурханы шашин, соёлын эртний барилдлагатай Монгол оронд айлчлахдаа хамгийн эхэнд МБШТөв Гандантэгчэнлин хийдэд айлчилдаг уламжлалтай юм байна.
