Засгийн газраас “Цалинтай ээж” хөтөлбөрийг энэ оноос эхлэн хэрэгжүүлэхээр болж, 0-3 хүртэлх насны хүүхдээ асарч буй ээжүүдэд сар бүр 50 мянган төгрөгийн тэтгэмж олгох шийдвэрлэсэн билээ. Мөн жирэмсний зургаан сартайгаас эхлэн олгодог төрөхийн өмнөх болон төрсний дараах таван сард олгодог 40 мянган төгрөгийн тэтгэмж нь “Цалинтай ээж” хөтөлбөр руу шилжиж, ингэснээр ээжүүдэд хүүхдээ төрүүлсний дараа үргэлжлүүлэн сар бүр 50 мянган төгрөгийн тэтгэмж олгохоор зохицуулсан билээ.
Уг хөтөлбөрт улсын хэмжээнд 0-3 насны хүүхдээ асарч буй 135 мянган эх хамрагдахаар тооцоолж, нийт 81 тэрбум төгрөг төсөвлөсөн. “Цалинтай ээж”-ийн 50 мянган төгрөгийг сар бүрийн 20-ноос хойш өгөх журмынхаа дагуу өнөөдрөөс эхчүүдийн данс руу шилжүүлж эхэлсэн байна.