2024 оны эхний хагас жилд манай улс 62 сая тонн ачаа тээвэрлэсэн нь 2022 оны бүтэн жилийн ачаа тээврийн хэмжээнээс даваад байна гэж ЗТХЯ мэдээлэв.
Энэ оны эцсийн хүлээгдэж буй гүйцэтгэлээр 120.5 сая тонн ачаа тээвэрлэх юм байна.
Төмөр замаар 2023 онд нийт 36.1 сая тонн ачаа тээвэрлэж байсан бол энэ оны эхний хагас жилд 21 сая тонн ачаа тээвэрлэжээ.
Агаарын тээврээр оны эхний хагас жилд 930,000 зорчигч тээвэрлэсэн нь 2022 оны бүтэн жилийн үзүүлэлттэй тэнцэж байгаа аж.
Энэ онд агаарын тээврээр 2.2 сая зорчигч тээвэрлэхээр төлөвлөжээ.
2024 онд бүх төрлийн тээвэрлэлтийн өсөлтийг үргэлжлүүлж, орлогыг 8.3 их наяд төгрөгт хүргэх гэнэ.