Эрүүл мэндийн яамнаас 2014 оныг “Эх, хүүхдийн эрүүл мэндийг дэмжих жил” болгон зарласан. Үүнтэй холбогдуулан Чингэлтэй дүүргийн Өрхийн Эрүүл мэндийн төвүүдээс санаачлан “Эмзэг бүлгийн эмэгтэйчүүдэд дэмжлэг үзүүлье” сэдэвтэй өдөрлөгийг өнөөдөр 13.00 цагт Баянбүрдийн тойргийн 50 дугаар сургуулийн урлагийн зааланд зохион байгуулах гэж байна.
Уг өдөрлөгт Чингэлтэй дүүргийн Засаг даргын Тамгын газар, халамж үйлчилгээний хэлтэс, дүүргийн эрүүл мэндийн нэгдэл, улаан загалмай, 19 хорооны Өрхийн эмнэлгүүд, мөн хороо бүрээс 5 нэн ядуу, өрх толгойлсон эмэгтэйчүүд нийт 150 гаруй хүн оролцох аж. 2014 онд эмзэг бүлгийн иргэдийн амьдралыг сайжруулах, эрүүл мэндийн дэмжих чиглэлээр явуулсан үйл ажиллагаануудыг танилцуулж, хороо бүр оролцогч эмэгтэйчүүдэд “Өгөх өдөр”-ийг зохион байгуулж тодорхой хэмжээгээр тэдэнд дэмжлэг үзүүлэх үйл ажиллагааг зохион байгуулжээ.