Эрүүл мэндийн яамнаас коронавирусийн халдварын нөхцөл
байдлын талаар мэдээллийг хүргэж байна.

ХӨСҮТ-ийн Тандалт, судалгааны албаны дарга А.Амбасэлмаа “Өчигдөр буюу 12-р сарын 5-ны өдөр улсын хэмжээнд нийт 14019 хүнд шинжилгээ хийсний 700 гаруй нь хавьтлын сорьцынх байлаа. Ойрын хавьтлын 7 хүний шинжилгээнд коронавирус илэрлээ. Тодруулбал, Сэлэнгэ аймагт ойрын 4 тохиолдол /нийт 201/, Дорноговь аймгийн Замын-Үүд суманд гэр бүлийн хавьтал бүхий 3 тохиолдол /нийт 208/ шинээр бүртгэгдлээ. Нийслэл болон бусад аймагт коронавирус нэмж бүртгэгдээгүй.

Ийнхүү улсын хэмжээнд нийт батлагдсан тохиолдол 849, эдгэрэлт 384, эмчлэгдэж байгаа 456 хүн байна.

Нийт насны бүлгээр авч үзвэл 3 сартайгаас 90 настай өвчтөнүүд байна.

Коронавируст халдварын нөхцөл байдлын талаар Эрүүл мэндийн яамнаас мэдээлж байна.

ХӨСҮТ-ийн Тандалт, судалгааны албаны дарга А.Амбасэлмаа “11-р сарын 29-нд 10308 хүнд шинжилгээ хийхэд 7 хүнээс коронавирус илэрлээ. Өнгөрсөн 24 цагаас 17-гоор цөөн тохиолдол батлагдсан. Улсын хэмжээнд 9 голомт байна.

Сэлэнгэ аймагт 5 тохиолдол шинээр батлагдсан. Улсын хэмжжээнд 791 тохиолдол батлагдсанаас 354 хүн эдгэрсэн. Дотоод халдвар 348 тохиолдол боллоо. Архангай аймгийн халдвартай хоёр иргэний хавьтал 200 гаруй хүнийг тусгаарласнаас одоогоор 120 хүний шинжилгээ хийсэн. Коронавирус илрээгүй байна” гэлээ.