Улсын Онцгой комисс болон Эрүүл мэндийн яамнаас хамтарсан өнөөдрийн /2021.02.18/ 11:00 цагийн ээлжит мэдээллээ өглөө.
ХӨСҮТ-ийн Тандалт, судалгааны албаны дарга А.Амбасэлмаа “Орон гэргүй хүмүүсийг шинжилгээнд хамруулж байгаа. Тэдний дундаас батлагдсан тохиолдол гарсан. Тухайн иргэний хавьтлыг нь бас тусгаарласан” гэх тайлбарыг өглөө.
Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг “Улсын Онцгой комисс, Хотын дарга, Цагдаагийн ерөнхий газартай хамтарч нийт орон гэргүй 850 орчим иргэний судалгааг гаргасан. Нийгмийн хамгааллын төвүүдэд байршуулж, байраар хангасан. Энэ сарын 10-ны өдрийн байдлаар 107 иргэнийг шинжилгээнд хамруулсан. Хороо, дүүргээс нь ч гэсэн тэдгээр иргэдийг орон байраар хангах, хоол ундаар хангах ажлыг зохион байгуулж байна” гэлээ.