Коронавируст халдварын нөхцөл байдлын талаар Эрүүл мэндийн яамнаас ээлжит мэдээллээ хүргэж байна.
ЭМЯ-ны Хэвлэлийн төлөөлөгч Б.Ууганбаяр “Сүүлийн 24 цагт хүнд 889 хүнээс халдвар илэрлээ.
Ингэснээр Улсын хэмжээнд нийт батлагдсан тохиолдол 22884 боллоо.
Халдвар авсан таван хүн нас барсан байна. Нийт нас баралт 49 боллоо. 75 настай эмэгтэй коронавирусийн хавсарсан оноштойгоор, Завхан аймагт хэвтэн эмчлүүлж байсан 50 настай эмэгтэй, 34 настай эрэгтэй, 57 настай эрэгтэй болон 61 настай эрэгтэй тус тус нэн хүнд оноштойгоор нас барлаа.
Сүүлийн 24 цагт 524 хүн эмчлэгдэж, эмнэлгээс гарлаа. Ингэснээр нийт эдгэрсэн хүний тоо 12401 болов.
Өнөөдрийн байдлаар 3025 хүн эмчлэгдэж байна.