ЭМЯ-наас коронавируст цар тахлын цаг үеийн асуудлаар ээлжит мэдээллийг хийлээ. Сүүлийн 24 цагт 37530 хүнд шинжилгээ хийхэд 33 хүнээс халдвар илэрч, нийт батлагдсан тохиолдол 2416 боллоо. Үүнээс 24 нь батлагдсан тохиолдлуудын ойрын хавьтал бол “Нэг өрх, нэг шинжилгээ”-нд хамрагдсан 9 хүнээс тус тус халдвар илэрсэн байна. Тодруулвал Чингэлтэй дүүргийн II, VI, XII хорооноос халдвар илэрчээ.
ХӨСҮТ-ийн Тандалт, судалгааны албаны дарга А.Амбасэлмаа:
“Халдварын нэг тохиолдлыг олох нь чухал. Хөл хорионы үр дүнд халдварын тархалт 40 хувиас 30 хувь болж буурсан. Нийт тохиолдлын 40 гаруй хувь нь гэр бүлийн хүрээнд бүртгэгдсэн” гэв.