Коронавируст халдварын нөхцөл байдлын талаарх Эрүүл мэндийн яамны ээлжит мэдээллийг хүргэж байна.
Сүүлийн 24 цагт коронавируст халдварын 2612 тохиолдол бүртгэгдэж, 5844 хүн эдгэрч, 12 хүн нас баржээ. Манай улсад бүртгэгдсэн коронавирусийн нийт халдварын тохиолдлын тоо 284381, нас барагсдын тоо 1098 боллоо.
Өнөөдөр ЭМЯ-наас өгсөн мэдээллээр Монгол улс хүн амынхаа 65-аас дээш хувийг вакцинд хамруулаад байгаа ба коронавирусийг бүр мөсөн устгах боломж одоогоор байхгүй ч хохирлыг таслан зогсоох боломжтой хэмээн ДЭМБ-ын суурин төлөөлөгч Сергей Диордица мэдээлэв. Ингэхийн тулд мэдээж нийтээрээ хүн хоорондын зайгаа барих, амны хаалт зүүх, гараа тогтмол угаах, шаардлагагүй тохиолдолд гэрээсээ гарахгүй байх, вакциндаа хамрагдах зэрэг халдвар хамгааллын дэглэмээ сайтар баримтлах шаардлагатай юм.
