Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг ХӨСҮТ-өөс танилцууллаа.
ХӨСҮТ-ийн албаны дарга Ж.Байгалмаа “Сүүлийн хоногт 17894 хүнд хийсэн коронавирусийн халдвар илрүүлэх шинжилгээний явцад 128 хүнд халдвар илэрсэн. Шинээр илэрсэн 128 тохиолдлын 122 нь хяналтад авсан голомтод илэрсэн тохиолдлуудын ойрын хавьтлын хүмүүс, таван хүний халдвар авсан эх уурхайг тогтоохоор ажиллаж байна.
Сүүлийн 24 цагт 46 хүн эдгэрч, эмнэлгээс гарлаа.
Одоогоор 943 хүн эмчлэгдэж буй бөгөөд биеийн байдал нь маш хүнд 2, хүнд 6 хүн байгаа” гэв.
Ингэснээр улсын хэмжээнд бүртгэгдсэн нийт 3961 боллоо. Нийт тохиолдлоос 3001 нь буюу 75 хувь нь эдгэрээд байна.
Иргэд олон хүнтэй газраар явахдаа амны хаалтаа тогтмол зүүж, халдвар хамгааллын дэглэмээ сайтар дагаж мөрдөхийг анхаарууллаа.