Эмч, эмнэлэгийн ажилтнууд өнгөрсөн мягмар гаригт Эрүүгийн хуулийн шинэчилсэн найруулгын 15.1 дүгээр заалтыг эсэргүүцэн тайван жагсаал зохион байгуулсан билээ.
Тус заалтад эмч нарыг ажлаа хийх явцдаа хүнд бэртээсэн, амь насыг нь хохироосон тохиолдолд 80 сая төгрөгөөр торгож эмчлэх эрхээ гурав хүртэлх жил хасуулах, эсвэл 2-8 жилийн хорих ял тусгаж өгсөн юм. Энэ хэтэрхий шоронжсон хууль байна гэдгийг эмч нар хэлж байгаа билээ. Тэд эмч нарын гэм бурууг эрүүгийн биш иргэний хуулиар шийдэх ёстой хэмээн хуулийн заалтыг өөрчлөхийг шаардаж буй юм.
Тэгвэл УИХ-ын гишүүн Ц.Нямдорж,З.Баянсэлэнгэ, Д.Сарангэрэл нар хамтран, Эрүүгийн хуульд өөрчлөлт оруулах төслийг санаачилж, санал авахаар Засгийн газарт хүргүүллээ. Уг төсөлд эмч нарыг мэргэжлийн үйл ажиллагаатай нь холбон 20-80 сая төгрөгөөр торгох эсвэл 2-8 жил хорих ял шийтгэх заалтыг олон улсын жишигт нийцүүлэн өөрчлөх саналыг оруулжээ.
