Элсэлтийн ерөнхий шалгалт энэ сарын 15-19-ний өдрүүдэд орон даяар явагдсан. Энэ жилийн ЭЕШ-д 37200 гаруй шалгуулагч оролцсон бөгөөд үүнээс 15123 нь нийслэл, 22041 нь орон нутагт элсэлтийн шалгалт өгчээ. Тэгвэл өнөөдөр элсэлтийн ерөнхий шалгалтын албан ёсны хариу өнөөдөр гарна. Энэ жил элсэлтийн ерөнхий шалгалтын нийгэм, математикийн хичээлийн материал задарсан талаарах мэдээлэл цацагдсан ч Боловсролын үнэлгээний төвөөс цагдаагийн байгууллагатай хамтран шалгалт хийсний дүнд “Материал задраагүй” гэх хариу гаргасан юм.
Шалгуулагчид БҮТ-ийн eec.mn рүү өөрийн бүртгэлийн дугаар нууц үгээрээ нэвтэрч шалгалтын дүн оноогоо харж болно.