Шигшээ багийн тамирчин О.Дөлгөөн уг халдварыг аваад бие нь хүндээр өвдөж АНУ-д хагалгаанд орсон билээ. Олон нийтийн сүлжээний ачаар тамирчин О.Дөлгөөнд туслах хандивын аян өрнүүлж нэг хэсэгтээ л сошиалаар шуурсан. Энэ ч ажмилттай болж сайхан сэтгэлт хүмүүсийн ачаар хагалгаа хийлгэхэд шаардагдах олон сая төгрөг цугларсан билээ.
Үүнээс улбаалан элэгний В вирус гэж чухам юу болох талаар олон нийт анхаарах боллоо.
Тэгвэл та бүхэндээ элэгний В вирус чухам юу болох, яаж халварладаг болох талаар мэдээллийг хүргэе.
Халдварт өвчин судлалын шинжлэх ухаан үүний халдах замыг параэнтерал буюу самшуу зам гэдэг. Энэ нь арьс-салст гэмтэх үед халдвар орно гэсэн үг.
Хэзээ, ямар гэмтэл авсан үед халвар авах сөрөг талтай вэ?
Арьс цоолох мэс ажилбарууд. Үүнд бохирлогдсон багажаар чих цоолох, шивээс хийлгэх, үс, сахал хусах, хумсны хутга, тарилга, тариурын зүүгээр хатгуулах, мэс ажилбар, мэс засал, шүд эмчлүүлэх, үнсэлцэх бас бэлгийн зам. Бэлгийн зам нь салстын гэмтэлээр нөхцөлддөг. Иймээс халдвартай хүнтэй үнсэлцэх, шүдний сойз хэрэглэх хүртэл осолтой байх нь. В вирүстэй эх хүүхдээ төрүүлэх явцад халдаж болдог ба жирэмсэн үед эхэсээр урагт дамжихгүй.
Дээрх шалтгаанаар 9 хэн настай хүү эгчээрээ чихээ цоолуулж амиа алдсан, найзынхаа сахлын хутгыг нэг л удаа ашиглаад элэгний В+Д вирүсийн цочмог халдвар авсан, ангийнхаа залуутай үнсэлдээд ДОХ-той болсон тохиолдлууд цөөнгүй байдаг байна.
Зөвлөмж:
-Та дээрх ажилбар бүхий үйлчилгээ авахыг хүсвэл аюулгүй, халдвар хамгааллын шаардлагыг мэддэг, шаарддаг байх хэрэгтэй.
-Үсчингийн газарт эрчүүд шар үсээ хусуулахдаа хутгаа шинээр сольж буй эсэхийг өөрөө шалгадаг байх
-Гоо сайхны газар очвол бээлийгээ сольж спиртээр арчиж буйг шалгах
-Нэг удаагийн багаж задалсан эсэхийг мөн шалга. Бээлийг сольсон ч цаад барьж буй багаж нь ариутгагдаагүй бол нэмэргүй. Бас тэрийг олон хүнд хэрэглэсэн байгаа. Ариутгах нь халдваргүйжүүлэхээс өөр. Халдваргүйтгэл нь голчлон спиртээр арчих байдаг ч В вирүс үүний дараа хүртэл үхэхгүй үлдэж болно.
Дашрамд хэлэхэд бусдад элэгний В,С вирусын талаар мэдээллийг үнэн зөвөөр хэлж өгч байгаарай. Ихэнх хүмүүс элэгний В,С вирус хэрхэн дамжиж халдварладгийг мэдэхгүйгээс болоод халдвар авч өвчилсөн байдаг. Тиймээс болж өгвөл байгууллага, анги хамт олон, найзуудаараа хамт явж вакцин хийлгэх хэрэгтэй.