Африк тивийн баруун эрэг, Гвинейн буланд байрлах Эквадорын Гвиней улсын Бата боомт хот дахь цэргийн хуаранд хэд хэдэн удаагийн дэлбэрэлт болж 98 хүн амиа алдлаа.
Тус улсын хамгийн том цэргийн хуарангуудын нэг Нкоантомагийн ойролцоох хэдэн зуун барилга нурж сүйдсэн ба дэлбэрэлтийн улмаас 615 хүн бэртэн эмнэлэгт хүргэгджээ.
1979 оноос хойш Эквадорын Гвинейг удирдаж буй Ерөнхийлөгч Теодоро Обианг Нгуема дэлбэрэлтийг “динамиттай хайнга харьцсанаас үүдсэн” гэж тайлбарлав.
Тус улсын эдийн засгийн дөрөвний гурвыг бүрдүүлдэг газрын тосны борлуулалт цар тахлын улмаас буурсан бөгөөд дэлбэрэлт энэхүү эдийн засгийн хямралын уртасгах эрсдэлтэй байна. 1.4 сая хүн амтай Экваторын Гвинейд өчигдөр коронавируст халдварын 42 тохиолдол бүртгэгдсэнээр нийт халдвар авсан хүний тоо 6371 болсон ба 96 хүн нас баржээ.
