ЭХЭМҮТ-ийн ерөнхий захирал Ш.Энхтөрийг өнөөдөр /2021.07.09/ үдээс хойш ажлаас нь чөлөөлжээ. Түүний оронд АШУҮИС-д багшилж байсан Алтантуяаг томилсон байна.
Ш.Энхтөр нь хүүхдийн сэхээн амьдруулахын нарийн мэргэжлийн эмч бөгөөд 2011 оноос эхлэн тус төвийн ерөнхий захирлаар ажиллаж байв.
ЭХЭМҮТ нь нийт 1140 эмч, сувилагч, ажилтантай бөгөөд баяр наадмыг тохиолдуулан өнөө өглөө шилдэг ажилтнууддаа шагнал гардуулж, нийт ажилтнуудынхаа долоодугаар сарын цалинг 50-60 хувиар нэмж, хүн бүрт 500 мянган төгрөгийн нэмэгдэл урамшуулал олгох тушаал гаргаснаа танилцуулсан байна.
Ш.Энхтөр захирлыг гэнэт халсанд тус эмнэлгийн нийт эмч, сувилагч, эмнэлгийн мэргэжилтнүүд сэтгэл дундуур байгаа бөгөөд Эрүүл мэндийн сайд С.Энхболдын хийсэн шинэ томилгоог эсэргүүцэж буйгаа илэрхийллээ.