Нийслэлийн Залуучуудын хөгжлийн газар, Сэтгэцийн эрүүл мэндийн Үндэсний Төв, “Эрдэнэ тав баг” ТББ, “Эерэг тэмүүлэл” ТББ, Сонгинохайрхан дүүргийн Гэр бүл, хүүхэд, залуучуудын хөгжлийн хэлтэстэй хамтран нийслэлийн ерөнхий боловсролын 12 дугаар сургуулийн ахлах ангийн 150 сурагч, 62 дугаар сургуулиас 170 нийт 320 сурагчдад “Нийслэлийн залуучуудын баримтлах 10 зөв дадал”, “Хязгааргүй мөрөөд” “Мэргэжил бүхэн сайхан”, “Хорт зуршлаас урьдчилан сэргийлэх” зэрэг сэдвүүдээр цогц сургалт өнөөдөр зохион байгууллаа.

Тус сургалтаар нийслэлийн Залуучуудын хөгжлийн газрын дарга С.Сүх-Очир, “Эрдэнэ Тав баг” ТББ-ын тэргүүн Н.Энхбаатар, СЭМҮТ-ийн их эмч Ж.Гантулга нар мэргэжлээ хэрхэн зөв сонгох, хорт зуршлаас татгалзах, эерэг хандлагыг төлөвшүүлэх сэдвээр сурагчдад мэдээлэл өглөө.

Өсвөр үе, залуучуудын хандлагыг эерэг болгох, хорт зуршлаас урьдчилан сэргийлэх, ирээдүйн мэргэжлээ зөв сонгох талаар зөвлөгөө өгөх сургалт, нөлөөллийн ажлуудыг 9 дүүргийн ерөнхий боловсролын сургуулиудын ахлах ангийн сурагчдад энэ сарыг дуустал нийслэлийн Залуучуудын хөгжлийн газраас зохион байгуулахаар төлөвлөн ажиллаж байна гэж нийслэлийн Залуучуудын хөгжлийн газраас мэдээллээ.

Нийслэлийн Залуучуудын хөгжлийн газар, Сэтгэцийн эрүүл мэндийн Үндэсний Төв, “Эрдэнэ тав” ТББ, “Эерэг тэмүүлэл” ТББ, Сонгинохайрхан дүүргийн Гэр бүл, хүүхэд, залуучуудын хөгжлийн хэлтэстэй хамтран нийслэлийн ерөнхий боловсролын 65 дугаар сургуулийн ахлах ангийн 150 сурагчдын дунд “Нийслэлийн залуучуудын баримтлах 10 зөв дадал”, “Мэргэжил бүхэн сайхан”, “Хорт зуршлаас урьдчилан сэргийлэх” “Эерэг хандлага” зэрэг сэдвүүдээр цогц сургалтыг 2018 оны 11 дүгээр сарын 27-ны өдөр зохион байгууллаа. Тус сургалтаар нийслэлийн Залуучуудын хөгжлийн газрын захиргааны хэлтсийн дарга Н.Мандуул, “Эрдэнэ Тав” ТББ-ын тэргүүн Н.Энхбаатар нар сурагчдад мэргэжлээ хэрхэн зөв сонгох, хорт зуршлаас татгалзах, эерэг хандлагыг төлөвшүүлэх сэдвээр сурагчдад мэдээлэл өглөө.

Өсвөр үе, залуучуудын хандлагыг эерэг, зөв болгох, хорт зуршлаас урьдчилан сэргийлэх, ирээдүйн мэргэжлээ зөв сонгох талаар зөвлөгөө өгөх зэрэг нөлөөллийн ажлуудыг нийслэлийн есөн дүүрэгт Нийслэлийн Залуучуудын хөгжлийн газраас зохион байгуулахаар төлөвлөн ажиллаж байна гэж нийслэлийн Залуучуудын хөгжлийн газраас мэдээллээ.