Хэнтий аймгийн ЗДТГ-аас Хэнтий аймгийн Өмнөдэлгэр сумын харьяат улсын арслан Энхтөгсийн Оюунболдод зориулсан “Хүндэтгэлийн наадам”-ыг энэ сарын 12-13-ны өдрүүдэд Чингис хотноо зохион байгуулах гэж байна.
Наадмын үеэр их
нас, хязаалан, соёолон насны морьдын уралдаан, хүчит бөхийн барилдаан,
халх сурын харваа, шагайн харваа зэрэг үйл ажиллагааг зохион байгуулах
ба наадмын арга хэмжээ үдшийн шоу, ёслолын буудлагаар үргэлжлэх ажээ.
Э.Оюунболд нь Тулгар төрийн 2224, Их Монгол Улсын 809, Ардын хувьсгалын
94 жилийн ойн баяр наадмын үндэсний бөхийн барилдаанд түрүүлж, Монгол
Улсын Арслан хэмээх эрхэм цолыг 22 насандаа хүртэж Хан Хэнтийчүүд
биднийхээ магнайг тэнийлгэн баярлуулсан юм.