ОХУ-ын Красноярск хотод Иван Ярыгиний нэрэмжит тэмцээн болж байна. Эхний тойрогтоо А.Батцэцэгийг ялсан Э.Гантуяа ОХУ-ын Вьюнова Екатеринаг барилдаан эхлэхээс илүүрхсээр цэвэр ялалт байгууллаа. Ингэснээр Э.Гантуяа хагас шигшээд үлдэв. Түүний дараагийн өрсөлдөгч бол Японы алдарт Каори Ичо юм. Э.Гантуяагийн хувьд улсын аварга шалгаруулах тэмцээнээс мөнгөн медаль хүртсэн юм.
Эмэгтэйчүүдийн 53 кг-ын жинд хүч үзэж буй Э.Сумьяа мөн хагас шигшээд үлдлээ. Тэрээр эхний тойрогт Казахстаны Марина Зуеваг цэвэр ялжээ. Дараагийн тойрогт ОХУ-ын Полешук Екатеринаг 8:3-аар ялав. Эмэгтэйчүүдийн 53 кг-ын жинд Монгол Улсаас Э.Сумьяа, Б.Хатантуул, Д.Отгонцэцэг нар зодоглож байна.
Иван Ярыгин бол ЗХУ-ын нэрт бөх билээ. Тэрээр Мюнхен болон Монреалийн олимпийн наадмын аварга, дэлхийн аварга шалгаруулах тэмцээнээс алтан медаль хүртэж байсан төдийгүй Дэлхийн цомын аварга юм.