Монгол улсын 2014 оны улсын аварга шалгаруулах тэмцээн, олон улс, дэлхийн аварга шалгаруулах тэмцээнд Монголын модон бөмбөгийн тамирчид амжилттай оролцсон, өндөр амжилт гаргасан тамирчдад спортын цол зэрэг гардуулах, оны шилдэг тамирчдын шагнал гардуулах ёслол боллоо. Энэхүү ёслолын арга хэмжээнд Монголын Модон бөмбөгийн холбооны ерөнхийлөгч Д.Жаргалсайхан, Монголын Модон бөмбөгийн холбооны хүндэт ерөнхийлөгч М.Сономпил, Модон бөмбөгийн холбооны Удирдах зөвлөлийн гишүүн Р.Дадам, Н.Эрдэнэбаатар зэрэг хүмүүс оролцов.
Энэ оны шилдэг тамирчнаар нэгдүгээр зэрэгтэй тамирчин Э.Энхтүвшин, спортын дэд мастер Д.Даваадорж нар шалгарсан бол шилдэг дасгалжуулагчаар Г.Болдбаатар, Ж.Загас нар тодорчээ. Э.Энхтүвшин нь Малайзын Перлис хотноо дэлхийн оюутны аварга шалгаруулах модон бөмбөгийн тэмцээний талбайн цохилтын халз тоглолтонд оролцож хүрэл медаль хүртсэн юм.
Модон бөмбөгийн тамирчдаас нэг ОУХМ, спортын мастер, дэд мастер цолыг тус бүр таван тамирчин авч, амжилт дүүрэн хуучин оноо үдэж буй аж. Түүнчлэн ММБХ-ны УЗ-ийн гишүүн Н.Эрдэнэ-баатар МЗХ-ны “Тэргүүний Залуу” тэмдэг, Д.Байгальмаа Биеийн тамир, спорт-90″ медалиар энгэрээ мялаасан байна.