Казахстаны бүжгийн спортын холбоо, “Меруэрт” бүжгийн клубээс зохион байгуулсан Астана олон улсын бүжгийн нээлттэй тэмцээн энэ сарын 14-15-нд болов.
Тус тэмцээнд Монгол, Казахстан, Киргиз зэрэг орны 540 гаруй тамирчин оролцсоноос MR бүжгийн спортын академийн тамирчин Э.Энх-Өлзий, М.Бямбасүрэн нар “Өсвөр-2” насны ангиллын латин болон найм бүжгийн төрөлд дэд байр эзэлжээ.
Ташрамд сонирхуулахад, Монголын бүжгийн спортын холбооноос Казахстан, Узбекстаны бүжгийн спортын холбоотой зөвшилцсөний дагуу манай тамирчид энэ орнуудад зохион байгуулж буй өндөр зэрэглэлийн тэмцээнд оролцох боломж нээгджээ.