Нийслэлийн Засаг дарга бөгөөд Улаанбаатар хотын захирагч Э.Бат-Үүл
мэдээлэл хийхээр 11.00 цагт хэвлэлийн хурал товложээ. Тэрбээр НИТХ дахь
МАН-ын бүлгийн өргөн мэдүүлсэн өөрийг нь огцруулах саналын талаар байр
сууриа илэрхийлж, тайлбар өгөх аж.
НИТХ дахь МАН-ын бүлэг хотын дарга Э.Бат-Үүлийг төсвийн мөнгийг үр
ашиггүй зарцуулсан, гэр хорооллын дахин төлөвлөлтийн хэрэгжүүлэгчийг
сонгон шалгаруулахдаа ашиг сонирхлын зөрчил гаргасан шалтгаанаар огцрох
ёстой хэмээн үзэж буй юм. Тэд хотын даргыг огцруулах албан бичгээ
НИТХ-ын дарга Д.Баттулгад өргөн мэдүүлсэн. Харин Д.Баттулга МАН-ын
бүлгийн саналыг НИТХ-ын хуралдаанаар хэлэлцэх боломжгүй гэдгээ өчигдөр
мэдэгдсэн юм. Учир нь Э.Бат-Үүлийг огцруулах бичигт гарын үсэг зурсан
МАН-ын бүлгийн гишүүдийн тоо хуулийн шаардлагыг хангахгүй байгаа аж.