Хэдхэн цагийн дараа он солигдох гэж байна. Дуурийн театрын залуу дуучин Э.Анхбаяртай холбогдож, баярын энэ өдрийн сэтгэгдлийг нь хуваалцлаа.
-Та хэдхэн хоногийн өмнө олон улсын дуулаачдын том уралдаанд оролцоод ирсэн. Тэмцээний сонин сайхнаас товчхон сонирхуулахгүй юу?
-Беларусын Минскт болсон конкурст Монголоос анх удаа оролцоод ирсэн. Манайхаас гурван дуучин явж, манай театрын дуучин Хүрэлбаатар бид хоёр шилдэг тавд шалгарсан. Энэ уралдаан нэлээд том хэмжээнийхэд нь ордог юм. Гэвч, энэ удаа шүүлтийн хувьд маргаантай болсон нь жаахан харамсалтай байсан.
-Өнөөдөр баярын өдөр. Хэдхэн цагийн дараа он солигдох гэж байна. Та ер нь шинэ жилийн баяраа хэрхэн тэмдэглэх гэж байна вэ?
-Яг одоо хамаатныхаа хүүхдүүд болон сангийнхаа хүүхдүүдэд бэлэг тарааж явна. Шинэ жилийн баярыг ээжтэйгээ хамт гэртээ тэмдэглэнэ дээ.
– Ирэх он залуу уран бүтээлчийн хувьд уран бүтээлийн жил байх болов уу?
-Ирэх онд Итали руу мэргэжлээ дээшлүүлж сургуульд явах гэж байгаа. Тавдугаар сард буцаж ирээд Ялалтын баяраар тоглолт хийнэ гэж төлөвлөсөн байгаа. Шинэ онд өөрийнхөө бие даасан тоглолтыг хийх хамгийн том төлөвлөгөө байна. Эхнээсээ тоглолтын асуудлууд яригдчихсан байгаа. Ганцхан миний хувьд хоолойгоо сайн бэлдэх л үлдээд байна.
-Манай уншигчдад шинэ жилийн мэндчилгээ дэвшүүлнэ үү.
-Уншигчид, бүх хүмүүст эрүүл энх, аз жаргалаар дүүрэ байж ажил үйлс нь байнга өөдрөг байхыг ерөөе. Шинэ оны мэнд дэвшүүлье. Сайхан баярлаарай.