Нийслэлийн Засаг дарга “Ажлын хэсэг байгуулах тухай” А/232 дугаар захирамж гаргаж, Хөгжлийн бэрхшээлтэй иргэдийн орчны дэд бүтцийн хүртээмжийг сайжруулах зорилгоор дуут гэрлэн дохио байрлуулах суурь судалгаа хийх Ажлын хэсгийг баталсан байна.
Суурь судалгаа хийх, мэдээллийн сан бүрдүүлэх судалгааны ажлыг 2015 оны дөрөвдүгээр сарын 10-ны өдрөөс 30 хоногийн хугацаанд явуулахыг нийслэлийн Нийгмийн халамж үйлчилгээний газарт, дээрх үйл ажиллагаатай холбогдон гарах зардал гурван сая 425 мянган төгрөгийг нийслэлийн Засаг даргын нөөц хөрөнгөөс санхүүжүүлэхийг НЗДТГ-т даалгасан аж. Энэхүү захирамжийн хэрэгжилтэд хяналт тавьж ажиллахыг Нийслэлийн Засаг даргын Хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалайд үүрэг болгожээ.