Цагаан давааны хогийн цэг дээр амьдардаг хүмүүст дулаан хувцас, гутал болон хүүхдүүдэд нь бэлэг өгч сайн үйлс хийжээ. Энэхүү үйл ажиллагааг шинэ жилийн баярыг тохиолдуулан “Титэм” клубээс санаачлан өнгөрөгч ням гаригт зохион байгуулсан байна.
Тус клубын гишүүд өмнө нь БЗД-ийн амьжиргааны түвшнээс доогуур орлоготой айл өрхүүдэд гурил будаа, хүнсний зүйлээр туслах, ажилгүй иргэдийг ажилтай болгоход зуучлах зэрэг ажлыг хийж байжээ. Дараагийн сайн үйлсээ цагаан сарын баяраар хийхээр төлөвлөжээ.