Богд ламын дүйчэн Зулын 25-ныг тохиолдуулан Жавзандамба хутагт төв 200 айл өрхөд ном, хүнс, түлээ хандивлах “Ном ба Хүнс” аяныг зохиож байна.
Энэ сайн үйлсийг хийхэд Жадо Ринбүчи багш, Далай ламын Чойжин тэргүүтэй сайхан сэтгэлтэй хүмүүс, сүсэгтнүүд хандив өргөжээ. Зулын 25-нд Чингэлтэй дүүргийн IX, X хорооны 50 өрхөд хандиваа тараасан бол дараахь хоёр өдөрт нь Сонгинохайрхан, Баянзүрх дүүргийн нийт 100 айлд ном, хүнсний тусламж үзүүллээ.
Тус төвийнхөн “Ном, хүнс хүлээн авсан бүх айлынхан маш их баярлаж, зарим нь уйлж байлаа. Номт гурван орны нэг гэгддэг аргагүй юм аа. Хүнс авснаасаа илүү ном авч буйдаа талархсан хүмүүс олон байлаа. Ямар их хүнс вэ, баярлалаа гэж гайхах, баярлах зэрэгцсэн хүмүүс ч олон байсан шүү” хэмээгээд “Эрхэм та манайхаас хэрэгжүүлж буй төслүүд болон сайн үйлсийн аянууд түүнчлэн манай байгууллагын үйл ажиллагааг дэмжиж хандив өргөхийг хүсвэл Голомт банк Дансны нэр: Жавзандамба Хутагт төв, Дансны дугаар: 1102800986, Гүйлгээний утга: Юунд зориулж хандив өргөж буйгаа өөрийн нэр, утасны дугаарын хамт бичээрэй. Манай төвийн үйл ажиллагааг дэмжсэн танд баярлалаа” гэлээ.
Харин энэ долоо хоногт хараагүй гэр бүлүүд болон Жавзанжамба хутагт төвд хүсэлт гаргасан айлуудад “Ном ба Хүнс” аяны үлдсэн 50 багцыг тусламж болгож өгөх юм байна.
