Залуучуудын байгууллагаас санаачилсан “Спирт үү, спорт уу” аяны хүрээнд өнөөдөр зохион байгуулагдах байсан “Ногоон гудамж-Унадаг дугуйн зам” дугуйн парад хойшилжээ. Цаг агаарын нөхцөл байдлаас шалтгаалан парадыг тодорхойгүй хугацаагаар хойшлуулсан байна. Энэхүү парадыг МЗХ, Эдийн засгийн хөгжлийн яамны “Гудамж төсөл”, “Залуу дугуйчин клуб”, нийслэлийн Засаг даргын Тамгын газар, нийслэлийн Замын цагдаагийн газар, Нью имежи клуб, Монголын дугуйн холбоо, Монголын триатлоны холбоо, МЗХ-ны дэргэдэх Найс байк клуб, Аттила дугуйн дэлгүүр, Cannondale дугуйн дэлгүүр, Никель Ганбаа ХХК, МЗХ-ны дэргэдэх Монголын Авто замчин залуучуудын холбоо зэрэг байгууллагууд хамтран зохион байгуулах юм.