УИХ-ын Нийгмийн бодлого, боловсрол, соёл, шинжлэх ухааны байнгын хорооны өнөөдрийн хуралдаанаар Нялх балчир хүүхдийн хоол, хүнсний бүтээгдэхүүний тухай болон Донорын тухай хуулийн шинэчилсэн найруулгын төслийг хэлэлцэхээр төлөвлөөд байсан ч түр хойшлуулав.
Дээрх хуулийн төслүүдийг Засгийн газар өнгөрсөн оны 12 дугаар сарын 28-нд өргөн мэдүүлсэн. Өнөөдрийн байнгын хорооны хуралдаанд Эрүүл мэндийн сайд танилцуулахаар төлөвлөөд байсан ч сайд А.Цогцэцэг Үндэсний аюулгүй байдлын зөвлөлийн өргөтгөсөн хуралдаанд оролцож байгаа тул байнгын хороонд танилцуулга хийж чадаагүй юм. Тиймээс байнгын хорооны гишүүн Д.Сарангэрэл, О.Баасанхүү нарын зүгээс хүн амын эрүүл мэнд, эх орны ирээдүй болсон хүүхэд, багачуудын хоол хүнстэй холбоотой чухал хуулийн төслүүд тул ирэх долоо хоногт салбарын сайдыг байлцуулан хэлэлцэх нь зөв гэсэн санал гаргасныг олонх дэмжлээ.