Нийслэлийн Засаг дарга “Нийслэлийн авто замын ачааллыг зохицуулах арга хэмжээг зохион байгуулах тухай” А/368 дугаар захирамж гаргалаа. Захирамжаар Авто замын ачааллыг зохицуулах арга хэмжээний хүрээнд нийслэлийн 7 байршилд авто замын эргэлтийн талбай засварлах ажлын жагсаалтыг хавсралтаар батлав.
Батлагдсан төсөл, арга хэмжээнд шаардлагатай 136 сая 257 мянган төгрөгийг нийслэлийн замын сангийн магадлашгүй ажлын зардлаас зарцуулан гүйцэтгэлээр санхүүжүүлэхийг нийслэлийн Засаг даргын Тамгын газрын Санхүү, төрийн сангийн хэлтэст даалгалаа.
Батлагдсан төсөл арга хэмжээг нийслэлийн төсвийн ерөнхийлөн захирагч нийслэлийн Засаг дарга бөгөөд Улаанбаатар хотын Захирагч, Улаанбаатар хотын Ерөнхий менежер бөгөөд Захирагчийн ажлын албаны дарга, төсвийн шууд захирагч Нийтийн үйлчилгээний “Улаанбаатар нэгтгэл” ОНӨААТҮГ-ын даргын хооронд байгуулсан 2016 оны үр дүнгийн гэрээний дагуу “Улаанбаатар нэгтгэл” ОНӨААТҮГ-аар гүйцэтгүүлэхийг Улаанбаатар хотын Ерөнхий менежер бөгөөд Захирагчийн ажлын албанд үүрэг болгов.
Авто замын эргэлтийн талбай засварлах ажилд захиалагчийн хяналт тавьж ажиллахыг нийслэлийн Авто замын газарт, хөрөнгө оруулалтаар бий болсон хөрөнгийг нийслэлийн өмчид бүртгэн авч, эзэмшилт, ашиглалтын байдалд хяналт тавьж ажиллахыг Өмчийн харилцааны газарт тус тус даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
АВТО ЗАМЫН ЭРГЭЛТИЙН ТАЛБАЙ ЗАСВАРЛАХ АЖЛЫН ЖАГСААЛТ
/төгрөгөөр/
| № | Төсөл, арга хэмжээний нэр, хүчин чадал, байршил | Хэрэгжих хугацаа | Төсөвт өртөг |
| 1 | Нарны зам, Энхтайваны гүүрний зүүн тал /315 м2/ | 2016 | 34,113,244 |
| 2 | Нийслэл хүрээ өргөн чөлөө, Үндэсний цэцэрлэгт хүрээлэнгийн ард Нарлаг төвийн өмнөх авто зам /8 м2/ | 2016 | 1,168,459 |
| 3 | Нарны зам, Саруул захын урд талд Шунхлай ШТС /75 м2/ | 2016 | 9,481,927 |
| 4 | Нарны зам, Замын цагдаагийн газрын зүүн урд ХААН банкны өмнө /9,8 м2/ | 2016 | 1,300,429 |
| 5 | Нарны зам, Нарны гүүрний зүүн талд 24 дүгээр байрны өмнөх авто зам /177,7 м2/ | 2016 | 16,313,653 |
| 6 | Сонгинохайрхан дүүрэг, Энхтайваны өргөн чөлөө, 1 дүгээр хороолол 32 дугаар байрны урд /90 м2/ | 2016 | 14,000,000 |
| 7 | Энхтайваны өргөн чөлөө, Драгон төвийн авто замын эргэлт /662,9 м2/ | 2016 | 59,880,275 |
| ДҮН | 136,257,987 |