Монголбанкнаас зарласан өнөөдрийн ам.долларын ханш 2008 төгрөг 59 мөнгө. Харин “Найман шарга” төв нэг ам.долларыг 2008 төгрөгөөр аваад 2011 төгрөгөөр борлуулж байна.
Цагаан сар болохтой холбоотойгоор ам.долларын ханш өсдөг жишиг Монголд тогтоод байгаа. Үүнээс гадна АНУ-ын Холбооны нөөцийн банк бодлогын хүүгээ өнгөрсөн сарын дундуур өсгөсөн нь ам.долларын ханш нэмэгдэхэд нөлөөлж буйг эдийн засагчид хэлж байгаа юм. Хэдийгээр ам.долларын ханш өндөр байгаа ч төгрөгтэй харьцах ханшийн хэлбэлзэл тогтвортой байна. Ингэж төгрөгийн ханш тогтворжсон нь Оюу толгойн хоёр дахь шатны бүтээн байгуулалтын гэрээг үзэглэсэнтэй холбоотой гэж буй юм.