2022 оны долдугаар сарын 28-ны өдрийн байдлаар 3,841 иргэнд 337.8 тэрбум төгрөгийн ипотекийн зээлийн санхүүжилтийг өгөөд байгаа тухай Барилга, Хот Байгуулалтын Яамнаас мэдээллээ.
Үүнээс 274.9 тэрбум төгрөгийг Улаанбаатар хотын 2,851 иргэнд олгосон бол 62.9 тэрбум төгрөгийг орон нутгийн 990 иргэнд олгожээ.
Зээлийн эх үүсвэрийн тухайд Монголбанк 183.7 тэрбум, 154.1 тэрбум төгрөгийг арилжааны банкууд гаргасан байна.
2022 оны эхний нэгдүгээр улиралд зээлийн өсөлт 26 хувьтай байсан бол энэ сарын 27-ны байдлаар 20 хувьтай байна. Энэ нь арилжааны банкууд орон сууцны ипотекийн зээл болон жижиг, дунд үйлдвэр, хэрэглээний зээлүүдийг маш бага гаргасантай холбоотой хэмээн Монголбанкны Ерөнхийлөгч Б.Лхагвасүрэн тайлбарлаж байв.