Монгол Улсад нийт 40-45 дэлхийн брэндийн 400-500 нэр төрлийн үнэртэн, сүрчиг орж ирдэг.
Улаанбаатар хотын томоохон худалдааны төвүүдээр орж залуусын түгээмэл хэрэглэдэг сүрчигний талаар сурвалжиллаа.
“Шангри-Ла” худалдааны төвийн лангуу түрээслэгч: “Хүмүүс арьсандаа тохируулж үнэртнээ сонговол 2 метрийн цаанаас ч үнэр нь үнэртдэг. Үнэтэй байх тусам үнэрээ удаан хадгална гэх ойлголт өрөөсгөл юм. Өөрт таарсан үнэртнээ сонгож авах нь зөв юм” гэлээ.
Залуусын түгээмэл сонгож хэрэглэдэг үнэртэнг танилцуулж байна.
Эрэгтэй үнэртэн:
- Giorgio Armani- Acqua di gio
- Hugo boss- Boss
- Chanel- Blue de chanel
- TOM FORD-OUD WOOD
- L`Occitane- cap cedrat
- Dior- Sauvage
Улсын Их дэлгүүрийн лангуу түрээслэгч: Хүн хүний арьсны онцлог өөр байдаг. Үнэртэй ус тухайн хүний үнэртэй нийлснээр өөр өөр үнэр гаргадаг. Зарим хүн үнэтэй сүрчиг байж үнэртэхгүй байна гэж гомдол мэдүүлдэг. Энэ нь тэр хүн өөрт тохироогүй үнэртэй ус авсан байна гэсэн үг юм. Мөн үнэртэй усыг сонгохдоо юунаас харшилдаг, ямар үнэр илэрхийлж болох вэ гэх мэт асуултад хариулж сонгох нь зүйтэй. Жишээлбэл, Би тоор жимснээс харшилтай, надад хурц шийдэмгий үнэртэн хэрэгтэй зэргээр өөрийгөө бэлдээд очвол таны бие болон сонирхолд нийцсэн үнэртэнг амархан олох боломжтой юм.
Эмэгтэй үнэртэн
- Chanel- CoCo, №5
- Dolce Gabana- Light blue
- Versace- Bright crystal
- L`Occitane- Cherry bolossom
- Dior- Miss dior
Тухайн үнэртний найрлагад орсон эфирийн тосны хэмжээнээс хамаарч үнэр барилтууд нь өөр өөр байдаг
Үнэртэй ус тухайн хүний гоо зүйн мэдрэмж хийгээд дотоод ертөнцийг илэрхийлдэг
“Шангри-Ла” худалдааны төвийн лангуу түрээслэгч: Хүмүүсийн нийтлэг гаргадаг алдаа нь шууд гарын бугуйгаа хавсрах эсвэл гараараа тарааж үрдэг. Энэ нь буруу юм. Харин арьсандаа шингэхийг нь хүлээж шингэсний дараагаар үнэрийг нь мэдэрч үнэрлэх нь чухал. Ингэснээр үнэртэй усны анхилам үнэр таньд мэдрэгдэх болно.
Улаанбаатар Их дэлгүүрийн лангуу түрээслэгч: Охид, залуус цэцэг, жимсний анхилам үнэр, сэнгэнэсэн сэрүүн мэдрэмж төрүүлэх үнэрийг сонгож байгаа нь түлхүү ажиглагдсан.
Үнэртэй ус тухайн хүний гоо зүйн мэдрэмж хийгээд дотоод ертөнцийг илэрхийлдэг.
Нэгэн хэвийн үнэрт дургүй хүмүүст зориулсан өөрийн дуртай үнэрээ бүтээж өдөр бүр өөр мэдрэмжтэй явахыг хүсдэг хүмүүст дараах үнэртэнг зөвлөж байна.
Т.МИЧИДМАА
У.ЭНХЖИН