Сүхбаатарын талбайн Хонхтой цэцэрлэгт байрлах 3.2 тэрбум төгрөг өртөгтэй, хөгжимт усан оргилуурыг зорьж очлоо.
Өмнө жилийн өдийд усан оргилуурыг харах гэж хүмүүс их ирдэг байсан. Харин одоо ажиллахгүй болохоор салхилах ч газар алга хэмээн иргэд хэлж байв.
Уг нь энэ хавьдаа л том бүтээн байгуулалт шүү дээ. Сайшаах ганц зүйл нь ажиллахгүй болохоор чөлөөт цагаа өнгөрөөх олигтой газаргүй тиймхэн л байна. Цар тахалтай гээд ийш тийшээ яваад байлгүй энэ хавьдаа салхилах юмсан” гэлээ.
Хөгжимт усан оргилуурын ойр орчид хүмүүсийн хөл тасарсангүй. Яг энэ үед “Хот тохижилтын газар”-ын ажилтан усан оргилуурын усыг соруулж байгаа харагдлаа.
Тус ажилтнаас усан оргилуур хэзээ ажиллаж эхлэх талаар мэдээлэл байгаа эсэхийг тодруулсан юм.
Ажилтан “Борооны ус болон салхи шорооноос болж бохирдол үүсээд түүнийг нь соруулж, цэвэрлэж байна.
Үүнийг цэвэрлэх, усыг нь шахахад хоёр өдөр зарцуулдаг. Ирэх долоо хоногоос хэвийн ажиллана. Нэг хэсэг корона гээд хүмүүсийн бөөгнөрөл үүсгэхгүй гэж үйл ажиллагааг нь зогсоогоод байсан юм. Мөн одон медаль, шагнал гардуулах ёслол, хүүхдийн баяраар ажиллуулсан.
Усан оргилуурт ямар нэгэн гэмтэл, эвдрэл үүсээгүй хэвийн байгаа” гэлээ.
УСАН ОРГИЛУУРЫН ЭРГЭН ТОЙРОН ДАХЬ ЗУРГИЙГ ХҮРГЭЖ БАЙНА.
Н.ЦОГЗОЛМАА