Дэлхийн эрүүл мэндийн 70-р чуулганаас ДЭМБ-ыг ирэх дөрвөн жилд удирдах шинэ ерөнхий захирлыг сонголоо. 2017 оны дөрөвдүгээр сарын 23-ны өдөр Этиоп улсын иргэн Др.Тедрос Адханом Гебрейсус, Их Британи Умард Ирландын нэгдсэн вант улсын иргэн Др.Дэвид Набарро, Пакистан улсын иргэн Др.Саниа Ништар нар өрсөлдөж, ДЭМБ-ын гишүүн орнуудын олонхийн саналаар Др.Тедрос Адханом Гебрейсус сонгогдлоо. Ийнхүү Африк тивийн орнуудаас нэр дэвшигч, ДЭМБ-ын Ерөнхий захирлаар сонгогдсон анхны тохиолдол боллоо. 2016 оны нэгдүгээр сард болсон Африкийн орнуудын төр, засгийн тэргүүн нарын уулзалтын үеэр Др.Тедрос Гебрейсусийг Африкийн Холбооны нэрийн өмнөөс ДЭМБ-ын ерөнхий захиралд нэр дэвшигчээр батламжилсан юм.
Тедрос Гебрейсус нь:
- 2012 оны арваннэгдүгээр сараас Этиоп Улсын Гадаад хэргийн сайд;
- 2005-2012 онд Этиоп Улсын Эрүүл мэндийн сайд;
- 2009-2011 онд ДОХ, сүрьеэ, хумхаа өвчинтэй тэмцэх глобаль сангийн дарга;
- 2009-2010 онд НҮБ-ын ХДХВ/ДОХ-ын Нэгдсэн хөтөлбөрийн Зохицуулах зөвлөлийн дарга;
- 2007-2009 онд Хумхаа өвчнийг бууруулах түншлэлийн дарга;
- 2005-2009 онд Эх, нялхас, хүүхдийн эрүүл мэндийн түншлэлийг Хамтран даргалагч зэрэг алба хашиж байжээ.