-ӨНӨӨДӨР NBA-ГИЙН ТАЛБАЙД 5 ТОГЛОЛТ БОЛЛОО-
Торонто Рэпторс, Филадэлфа 76 багийн талбайд зочлон очиж 114-109-ийн харьцаатай хожлоо. Үлэг гүрвэлүүдзээс хамгаалагч Дэмар Дэрозан 45 оноо, 5 самбараас бөмбөг авалт авч багаа тэргүүлсэн бол түүнд Кайл Лаури 23 оноо, 9 самбараас бөмбөг авалтаар туслав. Харин Филагаас жижиг довтлогч Бэн Симмонс 20 оноо авч багаа тэргүүллээ.
Клэвланд Кавальерсчүүд Чикаго Буллзыг 115-112-ийн харьцаатай буулган авлаа. Клэвланд Кавальерсаас жижиг довтлогч Лэброн Жэймс 34 оноо, 9 оновчтой дамжуулалт, 3 бөмбөг таслалт хийж багаа тэргүүлсэн бол түүнд Кэвин Лов 27 оноо, 7 самбараас бөмбөг авалтаар тусаллаа. Харин бухнуудаас хүчний довтлогч Лаури Маканнэн 25 оноо авч багаа тэргүүлсэн бол түүний байрлал нэг тоглогч Дэнзэл Валинтин 18 оноо, 5 самбараас бөмбөг авалтаар туслав. Харин Никола Миротич сэлгээнээс 15 оноо, 5 самбараас бөмбөг авалт хийлээ.
Бусад тоглолтын үр дүн:
Нью Иорк Никс 102-93 Бостон Сэлтикс (Майкл Бийсли 32 оноо, 12 самбараас бөмбөг авалт)
Финикс Санс 97-95 Мемфис Гриззлис (ТЖ Варрэн 27 оноо, 5 самбараас бөмбөг авалт)
Юта Жазз 100-89 Сан Антониа Спүрс (Родни Хүүд 29 оноо, 3 самбараас бөмбөг авалт)
Б.АМАРТҮВШИН