2001 оны есдүгээр сарын 11-нд террорист халдлагын улмаас сүйрсэн “Дэлхийн худалдааны төв”-ийн шинэ байрыг барих ажил санхүүгийн асуудлаас шалтгаалан удааширсан хэдий ч 16 жилийн дараа уг төвийн Нью-Йорк хотноо дахин сүндэрлэсэн тэнгэр баганадсан шинэ барилгын нээлт даваа гарагт болсон тухай “Синьхуа” агентлаг мэдээлэв.
“Дэлхийн худалдааны төв–3” гэж нэрлэсэн 80 давхар уг барилга нь Нью-Йорк хотын тав дахь өндөр байшин болоод байгаа бөгөөд 329 метр өндөр аж.
Дэлхийн худалдааны төвийн ихэр цамхагийг 2001 оны есдүгээр сарын 11-нд террористууд нисэх онгоц барьцаалан халдаж сүйрүүлсэн ба тухайн үед 2700 орчим хүн харамсалтайгаар амиа алдсан түүхтэй билээ.