Улаанбаатар хотод хулгай, дээрэм, танхайн гэмт хэрэг олноор үйлдэгддэг эмзэг цэгийн судалгааг гаргаж, энэ төрлийн гэмт хэргээс урьдчилан сэргийлэх, таслан зогсоох зорилгоор зөөврийн хяналтын камер байрлуулан ажиллаж байна.
Энэхүү хяналтын камерыг гэмт хэрэг үйлдэгдэх магадлалтай эмзэг цэгт өндөрлөг газар байрлуулсан ажээ. Дээрэм, булаалт, хулгайн гэмт хэрэг олноор үйлдэгддэг Нийслэлийн дүүргүүдийн нутаг дэвсгэрт нийтдээ 100 гаруй хяналтын камерыг суурилуулж, түүний тусламжтайгаар гэмт хэргээс урьдчилан сэргийлж, үйлдэл дээр нь таслан зогсоож, гэмт этгээдийг түргэн шуурхай илрүүлж байгаа юм байна.