Оросын шигшээ баг Парисын бөхийн дэлхийн аварга шалгаруулах тэмцээнээс нэг ч алтан медаль авч чадаагүй нь 2005 оноос хойшхи хамгийн муу амжилт болж байгаа ажээ. Францын нийслэлд болсон ДАШТ-ээс оросууд таван мөнгө, таван хүрэл медаль авсан байна.
Оросын чөлөөт бөхийн тамирчид гурван мөнгө, хоёр хүрэл медаль хүртжээ. Тухайлбал, Абдулрашид Садулаев /97кг/, Хетик Цаболов /74кг/, Гажимурад Рашидов /61кг/ нар мөнгөн медаль авсан бол Алан Гогаев /65кг/, Владислава Валиева /86кг/ нар хүрэл медаль хүртжээ.
Оросын чөлөөт бөхийн тамирчид 1954 оноос хойш анх удаагаа дэлхийн аваргаас алтан медальгүй ирж байгаа нь энэ ажээ.
Багийн дүнгээр Оросын шигшээ баг 13 дугаар байранд орсон бол Япон улс тэргүүлж, удаад нь америкчууд, эхний гуравт туркууд багтжээ.