Электрон тамхи, түүний дагалдах хэрэгслийг Дархан-Уул аймгийн хэмжээнд энэ сарын 15-ны өдрөөс эхлэн худалдан борлуулахыг хориглохоор болжээ.
Шударга өрсөлдөөн, хэрэглэгчийн төлөө газраас өнгөрөгч 2022 онд электрон тамхийг 21 насанд хүрээгүй хүнд худалдан борлуулахгүй байх чиглэлийг улсын хэмжээнд өгч ажилласан. Үүний дагуу зарим аймагт электрон тамхи худалдан борлуулахыг хориглосон аймгийн Засаг даргын захирамж гарч хэрэгжиж эхэлсэн.
Тэгвэл Дархан-Уул аймгийн Засаг дарга Б.Азжаргал “Үе тэнгийхний дундах эерэг харилцаа-эрүүл орчин” сэдэвт хэлэлцүүлэгийн үеэр оролцогч хүүхэд бүрээс захидал авч санал бодлыг нь нэг бүрчлэн уншиж танилцлаа.
Иргэдийн болон өсвөр үеийнхний эрүүл мэндийг хамгаалах, хорт зуршлаас урьдчилан сэргийлэх зорилгоор Дархан-Уул аймгийн хэмжээнд электрон тамхи, түүний дагалдах хэрэгслийг 2023.05.15-ны өдрөөс эхлэн худалдан борлуулахыг хориглоно” гэсэн юм.
Түүнчлэн өнгөрсөн сард Өмнөговь аймгийн Засаг даргын захирамж гарч Өмнөговь аймагт тавдугаар сарын 15-ны өдрөөс эхлэн электрон тамхи, түүний дагалдах хэрэгслийг худалдаалахгүй байхаар болсон.