НИТХ-ын ээлжит бус хуралдаанаар Нийтийн тээврийн үйлчилгээний сэлгэн суултын хөнгөлөлтийн асуудлыг шийдвэрлэсэн. Ингэснээр маргаашнаас сэлгэн суултын хөнгөлөлт хэрэгжиж эхлэх юм.
Уг хөнгөлөлт нь зөвхөн “U-Money” карттай иргэдэд үйлчилнэ. Автобусанд суухдаа болон буухдаа картаа уншуулснаар хөнгөлөлт эдлэх эрхтэй болно. Арын хаалганы унших төхөөрөмжинд картаа уншуулсан хугацаанаас хойш дараагийн автобусны орох хаалганы төхөөрөмжинд картаа уншуулах хүртэлх 30 минутанд хөнгөлөлт хүчинтэй аж. 30 минутаас хэтэрсэн тохиолдолд хөнгөлөлт хүчингүй болох юм байна. Хөнгөлөлтийг нэг удаа эдлэх эрхтэй бөгөөд гурав дахь удаагаа автобусанд суухад тухайн чиглэлийн тарифаар төлбөр төлөгдөнө. Харин эхний сэлгэн суусан хугацаанаас хойш 4 цагийн дараа дахин хөнгөлөлт эдлэх боломжтой юм байна.
Мөн эхний суусан чиглэлийн автобусандаа эргээд суух тохиолдолд хөнгөлөлт эдлэх боломжгүй бөгөөд өөр чиглэлийн автобусанд суусан тохиолдолд үнэгүй аж.