ОХУ-ын Красноярск мужийн хойд мөсөн далайтай ойрхон оршдог Норилск хотын орчмоор урсдаг Далдикан гол цусан улаан өнгөөр урсан олныг цочирдуулсан билээ. Тэгвэл ОХУ-ын Байгаль орчны яамнаас шуурхай мөрдөн шалгах ажиллагаа явуулсаны дүнд голын өнгө чухам юуны учраас хувирсаныг олж тогтоожээ.
Байгаль орчны яамнаас томилсон ажлын хэсгийнхэний таамаглаж байснаар тухайн бүсэд байрлал бүхий “Норильский Никель” үйлдвэрээс улаан өнгийн бодис гол руу урсаж бохирдуулсан байжээ. Тус үйлдвэрээс өчигдөр хийсэн мэдэгдэлдээ энэ сарын 5-нд орсон ширүүн борооны үеэр үйлдвэрийн филтерийн сав усаар хальж, гол руу хальсан гэдгийг баталсан байна.