БНСУ-ын “ Улаан Загалмайн” нийгэмлэг дайны үед тусгаарлагдсан гэр бүлийн гишүүдийг уулзуулахаар өнөөдрөөс бүртгэж эхэлжээ. Энэ удаагийн бүртгэлд57 мянган хүн хамрагдаж байгаа бөгөөд эхний ээлжинд 500 хүн гэр бүлтэйгээ уулзахаар болоод байгаа аж. Тус бүртгэлийгцахим хэлбэрээр явуулж байгаа бөгөөд бүртгүүлэгчдийн дундаас90 нас гарсан хүмүүс ихэнх хувийг эзлээд байна.
57 мянган хүнийг нэгэн зэрэгуулзуулахад хүндрэлтэй учир эхний ээлжинд 500 хүний уулзалтыг зохион байгуулж байгаа талаар “Улаан Залгалмайн” нийгэмлэг мэдээлжээ.
БНСУ-ын Улаан Загалмайн Нийгэмлэгийн захирал тусгаарлагдсан гэр бүлийн уулзалтанд бүртгүүлсэн хүмүүстэй хамт
БНАСАУ-ын хойд Пхенанд төрсөн 87 настай Пак “1946 онд дүүтэйгээ хамт Өмнөд Солонгосруу ажиллахаар явж байсан. Харин Хойд Солонгост хоёр ах болон дүү маань байгаа” гэлээ. Гэвчэхний уулзах 500 хүний тоонд орж чадаагүйдээ ихээхэн харамсаж байгаагаа илэрхийлжээ. Харин 92 настай Ли “Дайны үед цөмийн зэвсгээс зугтаж Өмнөд рүү ирсэн. Тухайн үед гурван настай охиноо Хойд Солонгост үлдээсэн. Гучин жилийн өмнө миний нөхөр нас барсан. Тэр архи уух бүрт охиноо санаж уйлдаг байсан” хэмээсэн юм. Энэ эмээ мөн адил эхний уулзах бүртгэлд хамрагдаж чадаагүй байна.
Ирэх сарын дөрөвны өдөр БНСУ болон БНАСАУ-ын УЗН-т бүртгүүлэгчдийг нэрсийн жагсаалтаар амьд эсэхийг шалгаж, наймдугаар сарын дөрвөнд уулзах хүмүүсийн нэрийг эцсийнбайдлаар гаргах ажээ.
Хоёр улсын “Улаан Загалмайн” Нийгэмлэг энэ сарын 22-нд болсон хуваагдсан гэр бүлийн уулзалтыгнаймдугаар сарын 20-ноос 26-ны хооронд Кымган уулын цогцолборт зохион байгуулахаар болжээ.
Ц.УРАНБОЛОР
ХАН МӨНХ