УИХ-ын гишүүн Д.Тэрбишдагва, Ч.Улаан нар мэдээлэл хийж, намаасаа гарахаа мэдэгдлээ.
Тэд МАХН-ын дарга Н.Энхбаярт намаасаа гарах өргөдлөө өгсөн байна. Улмаар Д.Тэрбишдагва, Ч.Улаан нар МАН-ыг дэмжиж, хамтарч ажиллахаар болсон гэдгээ дуулгав. Өнгөрсөн сонгуулийн өмнө МАН хоёр хуваагдаж, үүний дараа 2012 оны хавар Д.Тэрбишдагва болон Ч.Улаан нар МАН-аас “өрх” тусгаарлаж, Н.Энхбаярын нам МАХН-д орж байсан. Ч.Улаан МАХН-аас нэрсийн жагсаалтаар сонгогдож, Д.Тэрбишдагва 26 дугаар тойрог буюу Сонгинохайран дүүргээс нэр дэвшиж Их хуралд гарсан юм.