Олон Улсын Жүдо бөхийн холбоо /IJF/-ийн энэ оны сүүлийн тэмцээн Токиогийн “Их дуулга” өнөөдөр эхэллээ. Тус тэмцээнд манай улсын 12 жүдоч өрсөлдөж байна.
Эмэгтэйчүүдийн 57 кг-д олимпийн наадмын мөнгөн медальт, МУГТ Д.Сумъяа зодоглож байна. Тэрбээр хагас шигшээд Японы бөхөд цэвэр ялагдсан. Улмаар хүрэл медалийн төлөө Францын жүдочтой барилдаж юүко үнэлгээгээр өрсөлдөгчөө яллаа.
Тэрбээр өнгөрсөн жил энэ тэмцээнээс хүрэл медаль хүртэж байсан. Ийнхүү Токиогийн “Их дуулга”-аас хоёр жил дараалан хүрэл медаль хүртлээ. Ингэснээр 1992 оноос хойш Монгол улсын тамирчид энэ тэмцээнээс 15 медаль хүртээд байна.