БНХАУ-ын дарга Си Жиньпиний ОХУ-д хийсэн айлчлалын дараа Монголоор дамжих хийн хоолойн төслийг Хятадын тал дэмжээгүй тухай мэдээлэл хэвлэлүүдээр цацагдсан. ТэгвэлКремлийн хэвлэлийн төлөөлөгч Дмитрий Песков сэтгүүлчидтэй уулзахдаа үүнийг няцаажээ. “Блүүмбэрг ямар нэг эх сурвалж дурдалгүйгээр ийм мэдээ цацсан. Энэ нь сайн нягталж шалгалгүйгээр яаран гаргасан түүхий мэдээлэл. Бодит байдал огт өөр. Хий дамжуулах асуудлыг уулзалтын үеэр хэлэлцсэн” гэж тэр хэлээд “Дөнгөж өчигдөр буюу хэлэлцээ хийсэн өдөр Газпромын нэг өдөрт Хятадын зах зээлд хоолойгоор нийлүүлсэн хийн хэмжээ дээд амжилт тогтоосон” гэжээ. Д.Песков цааш нь“Сибирийн хүч 2” төслийг уулзалтын үеэр идэвхтэй хэлэлцсэн. Албан ёснымэдээнд төслийн бүх нарийн ширийн зүйлсийг тохиролцсон тухай болон Монголын талаас бүх асуудал шийдэгдсэн гэдгийг дурдсан байгаа. Энэ хоолой Монголоор дайрахыг та бүхэн мэдэж байгаа байх. Тиймээс энэ чиглэлд хамтын ажиллагаагаа цаашид өргөжүүлэх шаардлага бий” гэж мэдэгдсэн байна.