“Хилэнт эх” хэмээх модон луу жилийн сар шинийн баярыг тохиолдуулан Монгол Улсын Ерөнхийлөгчийн зарлигаар Төрийн дээд цол, одон, медаль гардуулж буй. Өнөөдөр эрчим хүчний салбарт олон жил тууштай, үр бүтээлтэй ажиллаж байгаа зарим хүмүүст шагнал гардууллаа. “Алтан гадас” одонгоор эрчим хүчний инженер Д.Нямсүрэнг шагналаа. Тэрээр Төв засварын заводод засварчин, IV цахилгаан станцад инженерээр үр бүтээлтэй ажиллаж ирсэн бөгөөд одоо эрчим хүчний “Ди Эн Ди Эс” ХХК-тйн захирлаар ажиллаж байна. Д.Нямсүрэн нь хүн амыг эрчим хүчний найдвартай эх үүсвэрээр хангах, эх үүсвэртэй холбох, амьдралын чанарыг сайжруулах, цахилгаан дамжуулах дэд өртөөнүүдийг барьж байгуулах, эрчим хүчний тасралтгүй ажиллагааг хангахад үнэтэй хувь нэмэр оруулсан юм.
