ХӨСҮТ-ийн захирал Д.Нямхүү: “Өчигдөр нийт лабораториудад 397 хүнд шинжилгээ хийхэд бүгдэд нь коронавирусийн халдвар илрээгүй. ЭМЯ-аас тандалтын зорилгоор цуглуулсан таван сорьцоос коронавирус илрээгүй. ХӨСҮТ-д тусгаарлагдсан 49, ажиглах байранд тусгаарлагдсан 282, Өмнөговь аймагт тусгаарлагдсан долоо, Замын-Үүд суманд тусгаарлагдсан 18 хүний давтан шинжилгээгээр коронавирус илрээгүй. Мөн энэ тоонд Сөүл-Улаанбаатарын нислэгээр ирсэн зорчигчдын давтан шинжилгээ орсон. Сэлэнгэ аймгийн Алтанбулагийн боомтоор ачаа тээврийн 36 жолоочийн сорьцод коронавирус илрээгүй. Өнөөдрийн байдлаар ХӨСҮТ-д 107 хүн тандалт, ажиглалт, эмчилгээ хийлгэж байна” гэлээ.