Эрүүл мэндийн яамнаас ээлжит мэдээллээ хийлээ. Дэлхий дахинаа коронавирус216 улс орон, нутаг дэвсгэрт бүртгэгдэж 9,186,000 хүн өвчилж, 473000 хүн нас барсан бол 4.9 сая хүн эдгэрч, 3.7 сая хүн эмнэлэгт хэвтэн эмчлүүлж байна.
ХӨСҮТ-ийн захирал Д.Нямхүү:
Зургадугаар сарын 22-ны өдөр 426 хүнд шинжилгээ хийснээс 424 хүнд коронавирус илрээгүй харин Нур-Султан-УБ-ын онгоцоор ирсэн 2 хүний давтан шинжилгээгээр коронавирус илэрлээ. Мөн өнөөдөр 5 хүн эдгэрч ХӨСҮТ-ээс гарч дараагийн шатны сувилалд шилжлээ.
ЭМЯ-ны хэлтсийн дарга Д.Нарангэрэл:
АНУ өмнөд Ази болон бусад өндөр хөгжилтэй орнуудад тархалт өндөр хэвээр байна. Ялангуяа АНУ-д халдвар залуучуудын дунд голомтлон тархаж байгааг онцгой анхаарах ёстойг ДЭМБ-аас анхаарууллаа. ОХУ-д 7600 хүн шинээр халдвар авч, 95 хүн нас барлаа. Буриад, Тува, Чита хотод 40-150 хүн шинээр халдвар авлаа. Иргэдээс гадуур болон автобусанд хүмүүс амны хаалтгүй явж байгааг анхааруулж, ЭМЯ-д гомдол гаргасан.
Х.ЕСҮ