ЭМЯ-наас ээлжит мэдээллээ хийлээ. мэдээллийн үеэр ХӨСҮТ-ийн захирал Д.Нямхүү, “VII сарын 21-нд гурван лабораторид 461 хүний сорьцод шинжилгээ хийхэд бүгд сөрөг гарлаа. Нийт батлагдсан тохиолдол 287 байгаагаас 213 нь эдгэрсэн. 74 хүн эмчилгээнд байгаагийн биеийн байдлыг үнэлбэл 60 нь хөнгөн, 14 нь хүндэвтэр байна. Шинжилгээг задалж хэлбэл, 7 сарын 2-нд Сөүл-Улаанбаатар чиглэлийн тусгай үүргийн хоёр онгоцоор 383 хүний сорьцод давтан шинжилгээ, VII сарын 2-нд АНУ-аас ирсэн 25 хүний давтан шинжилгээ, тандалтын зорилгоор 15 хүнд, ХӨСҮТ-д тусгаарлагдсан 17 хүний давтан шинжилгээ, Алтанбулагийн боомтоор орж ирсэн ачаа тээврийн 20 жолоочийн сорьц, Дархан-Уул аймагт тусгаарлагдсан нэг хүний давтан шинжилгээ хийхэд коронавирус илрээгүй байна. Өчигдөр Токио Улаанбаатар чиглэлийн тусгай үүргийн онгоцоор 260 хүн ирсэн. Мөн Австрали Улаанбаатарын онгоцоор 00:54 цагт 48 хүн ирсэн. Тэдний сорьцыг цуглуулж шинжилгээ хийх ажил үргэлжилж байна” гэв.