TМЯ-наас ээлжит мэдээллээ хийлээ. ХӨСҮТ-ийн дарга Д.Нямхүү “2020 оны есдүгээр сарын 30-наас аравдугаар сарын 1-н хүртэл хоёр хоногийн хугацаанд 1455 хүнд шинжилгээ хийсэн. Бүгдэд нь коронавирусийн халдвар илрээгүй. Үүнийг дэлгэрэнгүй танилцуулвал,
-Есдүгээр сарын 16-нд Сөүл-Улаанбаатарын транзит нислэгээр ирсэн 262 хүний давтан,
-Есдүгээр сарын 29-нд Сөүл-Улаанбаатар онгоцоор ирсэн 270 хүний шинжилгээ,
-Есдүгээр сарын 12-нд Токио-Улаанбаатар чиглэлийн онгоцоор ирсэн 254 хүний давтан,
-Есдүгээр сарын 17-нд Хонконг-Улаанбаатарын онгоцоор ирсэн 255 хүний давтан,
-Есдүгээр сарын 29-нд Бээжин-Улаанбаатар чиглэлийн онгоцоор ирсэн 15 хүний шинжилгээ,
-ХӨСҮТ-д тусгаарлагдаж байгаа 2,
-Сайн дурын 1 хүн,
-Тандалтын зорилгоор хийгдсэн 12 хүний шинжилгээ
-Дундговь аймагт тусгаарлагдсан 36 хүний шинжилгээ
-Дорноговь аймагт тусгаарлагдсан 139 хүний шинжилгээ,
-Говьсүмбэр аймагт тусгаарлагдсан 30 хүний шинжилгээ,
-Тусгаарлан ажиглах байранд тусгаарлагдсан 183 хүний шинжилгээ,
-Үүрэг гүйцэтгэсэн ажилласан 16 эмч, ажилтны шинжилгээнүүд багтаж байна.
Алтанбулагийн боомтоор орж ирсэн 53 жолоочийн шинжилгээнд коронавирус илрээгүй.
Ингээд нийт Монгол Улсад батлагдсан тохиолдол 313, үүнээс 307 нь эдгэрсэн. ХӨСҮТ-д зургаан хүн эмчлүүлж байна. Дөрөв нь хөнгөн, хоёр хүн хүндэвтэр байна.
Энэ сарын 1-нээс буюу өчигдрөөс томуугийн вакцин хийх ажил улс орон даяар өрнөж байна. Томуугийн эсрэг вакциныг батламжтай, хоёр өөр улсад үйлдвэрлэгдсэн ч орц найрлага нь яг ижилхэн вакциныг хүлээж авсан. Тодруулбал, БНСУ-д, Бразил улсад үйлдвэрлэгдсэн вакцинууд байна. Хамгийн гол нь орц найрлага нь яг ижилхэн бөгөөд батламжтай вакцинууд бий. ДЭМБ-аас хүлээн зөвшөөрөгдсөн, батлагдсан вакциныг оруулж ирсэн тул та бүхэн эргэлзэхгүй зүйлгүйгээр вакцинаа хийлгэх хэрэгтэй.” гэлээ.