Өнөөдөр буюу есдүгээр сарын 2-нд УИХ дахь МАН-ын бүлгийн хурал хаалттай болж өнгөрлөө. Хуралдаанаар ямар асуудал хэлэлцэн талаар МАН-ын бүлгийн дарга Д.Хаянхярваа сэтгүүлчдэд мэдээлэл өглөө.
Тэрээр “МАН-ын бүлгийн өчигдрийн хаалттай хуралдааны явцыг “Ардын эрх” сонин гаргасан тул үүнийг тагнуулын байгууллагад хандаж шалгуулахаар болсон.Өнөөдрийн хуралдаанаар Төсвийн тодотголын асуудлаар хэлэлцлээ. Мөн Төрийн албан хаагчийн цалинг бууруулахгүй байх шийдвэр гарсан. Архи, тамхи, дарсанд ноогдуулах онцгой албан татварыг нэмэгдүүлэх санал гарсан байгаа. Харин хос хөдөлгүүртэй автомашины татварыг нэмэгдүүлэхгүй шийдвэр гарсан” гэлээ.
УИХ дахь Монгол Ардын намын бүлгийн хуралдаанаар Нийгмийн даатгалын тухай хуульд өөрчлөлт оруулахгүй байх,улсын төсвөөс болон төсөвт өртөг нь нэмэгдсэн обьектуудын нэмэгдсэн хөрөнгийг шинээр олгохгүй байх,хүн амын орлогын албан татварын талаарх Засгийн газрын оруулж ирсэн төслийг хэвээр нь үлдээх,оюутны тэтгэлэгт зориулж 90 тэрбумын сан байгуулахыг дэмжих,хүүхдийн мөнгийг 60:40 харьцаатайгаар буюу 60 хувьд нь бэлнээр олгох, 40 хувьд нь хуримтлал үүсгэж 3 жилийн дараагаас олгох зэргийг шийджээ.